هه‌ڤاڵێکم چووبوو بۆ زاخۆ، که‌ گه‌ڕایه‌وه‌ به‌ دیاری 2 کیلۆ قاوه‌ی کوتراوی بۆ هێنام. له‌ ئه‌وروپا به‌ قاوه‌ی عه‌ره‌بی یان تورکی به‌ناوبانگه‌، بۆ فیلته‌ر ده‌ست نادات، وا باوه‌ که‌ بکوڵێنرێت. لای خۆشمان ته‌نها بۆ سه‌یرکردنی به‌خت به‌کاردێت، ئه‌گه‌ر ویستت بزانیت که‌ی ژن دێنیت و چه‌ند منداڵ ده‌بێت و شتی وا.

دوو کیلۆ قاوه‌که‌ له‌ ناو کیسێکی زۆر سه‌یردا پێچراوه‌. کیسه‌که‌ش کیسه‌ی Whiskas ـه‌، که‌ بریتییه‌ له‌ خواردنی پشیله. باشه‌ ئه‌م قاوه‌یه‌ بۆ خراوه‌ته‌ ناو کیسه‌ی خواردنی پشیله‌؟ باشه ‌دوکانداره زاخۆییه‌که‌ نازانێت، هه‌ر ئه‌وه‌نده‌ی لێ حاڵی بووه‌، ئه‌ی ئه‌م هه‌ڤاڵه‌م 17 ساڵه‌ له‌ ئه‌وروپایه‌، چۆن به‌لایه‌وه‌ ئاسایی بووه‌ قاوه‌ بخرێته‌ ناو کیسه‌ی خواردنی پشیله‌؟ له‌وانه‌یه‌ پیس نه‌بێت به‌ڵام ... جوان نییه‌.

زۆرم بیر لێ کرده‌وه‌، تا نیوه‌ی شه‌و. باشه‌ ده‌بێت له‌ کوردستان Whiskas بده‌ن به‌ پشیله‌کان؟

باوه‌ڕناکه‌م. ئه‌ی ئه‌م کیسه‌یه‌ چۆن گه‌یشتۆته‌ زاخۆ؟

سه‌یره‌ و سه‌یریش نییه‌، گوڵه‌گه‌نم لێره‌یه‌و ته‌وار لێره‌یه‌ و منیش هێشتا لێره‌م.

زۆر سه‌یریشه‌ یه‌که‌م بڵاگنووسی کورد بیت.



تا دێمه‌ لات ئاگات له‌ خۆت بێت، هیچ شتێک گرنگ نییه‌

ڕۆژی هه‌ینی چووبووم بۆ زه‌ماوه‌ند. جا تا من گه‌یشتمه‌ شاری دوسلدۆرف، به‌م ره‌مه‌زانه‌، ئاره‌قه‌ی ڕه‌ش و شینم کرد. خه‌ریک بوو له‌ ڕێگا بشمرم له‌ برسان، خوا نه‌کات شه‌یتان گوێت که‌ڕبێت.

وه‌ڵلا چیت لێ بشارمه‌وه‌ زۆر هه‌ڵپه‌ڕیم، له‌ جیاتی ئێوه‌ش. سێ پێی نه‌بوو، هه‌ر هه‌مووی کرمانجی گڤه‌گڤی ده‌هات.

زۆری پێ نه‌چوو، بڵێم سه‌عات حه‌وت ده‌بوو، یه‌ک و بتڵ ویسکییان بۆ هێناین. بۆ فه‌تار ده‌ست نادات.

که‌س نه‌بوو ده‌نکێک خورمام بۆ بێنێت.



جارێ دوو سێ کچی لێ بوون، له‌ شایی، لووت به‌رز، وتم ئه‌مان کێن، وتیان سه‌یریان مه‌که‌ کچی دکتۆرن. ئه‌رێ باشه‌ پیاو بۆی نییه‌ سه‌یری کچی دکتۆر بکات؟

نا نا جوان نییه‌.



له‌ هه‌مووی خۆشتر، له‌پڕ سره‌ گیرا بۆ پاره‌دان و زێڕ پێوه‌کردن. ئه‌وه‌نده‌یان زێڕ پێوه‌ کرد ئه‌وه‌نده‌یان زێڕ پێوه‌کرد، تا خودای ته‌باره‌کولته‌عالا گوتی به‌س. ده‌ڵێی قوله‌ڕه‌شه‌کانی ڤیدیۆ کلیپی mtv بوو.

کچینه‌ گوێ بگرن، من زێڕو شتی وام نییه‌، پاره‌شم نییه.



پیاوێکیش وه‌ستابوو، به‌ربووک، له‌ میکرۆفۆنه‌که‌ هاواری ده‌کرد:‌ ماڵی حه‌مه‌ ئۆجاغ: 200 ئێورۆ. ماڵی که‌ریم تورکوتئۆزال :‌50 ئێورۆ، ماڵی خانم قه‌ره‌دینیزلی : 20 ئێورۆی ڕیک.



نازانم ئه‌مانه‌ تورک بوون، یان ناوه‌کانیان وابوون.



زۆر عه‌یب بوو، هه‌ر حه‌یامان چوو.



که‌سیش نه‌هاته‌ ده‌ستم. ده‌بوایه‌ منیش بچمه‌ سره‌که‌وه‌:‌ به‌رده‌قانی یه‌ک کیلۆ پیرخه‌نی و جاجمێکی سه‌وز.

هه‌ر به‌ڕاست، خۆ من زۆر قۆزم، که‌سیش نه‌هاته‌ ده‌ستم. ده‌ی خۆ کچی کورد حه‌زیان له‌ گه‌نجی قۆز نییه‌.



ئه‌وه‌ش له‌ بێ به‌ختی خۆیانه‌.

STUURLOOS

Ik breng de tijd met wachten

de uren zinken zwaar

jouw beeld vaart mijn gedachten

de week lijkt weer een jaar

het langs duren de nachten



Jan Cremer

مردنی سووپه‌رمان، کریستۆفه‌ر رییڤ، له‌ ته‌مه‌نی 52 ساڵی دوای له‌کارکه‌وتنی دڵ.



ئه‌گه‌ر سووپه‌رمان بمرێت، ئه‌ی ئێمه‌ چی بکه‌ین؟

ئه‌رێ ئه‌مه‌ چ باسه‌؟

زۆر جار، زۆر کات، هه‌ندێک شت هه‌ن نه‌یانزانیت زۆر باشتره.



له‌گه‌ڵ خاوه‌ن کاره‌که‌م له‌ چێشتخانه‌یه‌ک دانیشتبووین، نانی نیوه‌ڕۆمان ده‌خوارد. ئه‌م کابرا به‌ته‌مه‌نه‌ هه‌ر چۆنێک ده‌می بجوولێت باسی سێکس ده‌کات. په‌ندی پێشینان ده‌ڵێت: عومرم گه‌یشت به‌ هه‌شتا - ک**م به‌کاره‌ هێشتا.



وتی ده‌زانی ئێمه‌ی پیاو، جێگای باوه‌ڕی نین، سه‌د ژن و دۆستیشمان هه‌بێت، ئه‌گه‌ر ژنێکی ترمان لێ هه‌ڵکه‌وت، هه‌رده‌م ئاماده‌ین بۆی.



وتم: بۆ ژن وانین؟ یانی ئه‌گه‌ر ژنێک دۆست/مێردی هه‌بێت، قاچاخ لێ نادات.



وتی: نا ژن/ئافره‌ت جیاوازه‌، تا پڕ به‌ دڵ زه‌لامێکی خۆش نه‌وێت ناتوانێت له‌گه‌ڵی بخه‌وێت.



وتم: تۆ باسی ساڵانی پێش جه‌نگی جیهانی دووه‌م ده‌که‌یت، ئیستا وا نییه‌.



وتی: چۆن؟



وتم: ئێمه‌ی پیاو، ناتوانین شت بشارینه‌وه‌. ئه‌گه‌ر کارێکمان کردبێت، هه‌ر له‌ ده‌موچاومان دیاره‌.

ده‌ڵێن "ئه‌گه‌ر ڕۆژێکیان مێرده‌که‌ت زۆر دڵی خۆش بوو و دیاریێکی به‌نرخی بۆ کڕیبووی، بزانه‌ ئه‌وه‌ به‌دکاریێکی کردووه‌."

که‌چی ژن ئه‌گه‌ر سه‌د به‌دکاریشی کردبێت، نایزانیت و به‌ڕوویه‌وه‌ دیار نییه‌.



هه‌رچه‌نده‌، هه‌ندێک شت هه‌ن نه‌یانزانیت باشتره‌.



ئه‌ی مه‌سه‌له‌ی 60 گوڵه‌که‌م بۆ باسکردوون؟

زۆر که‌وچک:



زۆر که‌وچکی باش

ده‌ڵێت نا ناتوانم چاوه‌ڕێت بم، نا ناهێڵم جارێکی تریش دڵم بشکێنیت! کات دره‌نگه‌و شه‌و چاوی به‌خه‌وه‌، چاوه‌کانی منیش تا ڕۆژ به‌ئاگا دێت چاوه‌ڕێی خوستێک ده‌بن.

"بۆ وازم لێ ناهێنیت؟ ناهێڵم جارێکی تر دڵم بشکێنیت".

نا دڵه‌که‌م نه‌هاتووم دڵت بشکێنم. ده‌زانم ژیان بۆ تۆش به‌رده‌وام ده‌بێت، ده‌زانم ژیان هه‌زاری وه‌ک منی تێدایه‌ و نامه‌وێت ڕێگا گرت بم.

هاتووم، ته‌نها بزانم، چۆن دڵێکی شکاو سارێژده‌کرێت. هاتووم بزانم چاوه‌کانت بیریان کردووم، بزانم لێوه‌کانت بیریان کردووم.

له‌ پڕ تۆش بێده‌نگ ده‌بیت، دوو چاوی پڕ فرمێسک، ده‌ڵێم دڵه‌که‌م شه‌پۆڵی شه‌وم، په‌له‌ مه‌که‌، با شه‌و ببێته‌ ڕۆژ، په‌له‌ مه‌که‌، خۆزگه‌ چرکه‌یه‌ک ده‌هاتیته‌ باوه‌شم و به‌یه‌که‌وه‌ باسی به‌یانیمان ده‌کرد.

"نا ناتوانم جارێکی تر باوه‌ڕت بکه‌م"، هاتووی بڵێی چی؟ خۆشم ده‌وێی؟‌ بیرم کردووی؟ ئه‌گه‌ر بۆ ئه‌م قسانه‌ هاتووی، نه‌هاتبای باشتر بوو.



نازانم په‌یمانی چیت پێ بده‌م، دڵێکم هه‌یه‌ هه‌زار جار پینه‌ کراوه‌، هه‌زار کونی تێدایه‌ و ئه‌گه‌ر ته‌خته‌ش نه‌بوایه‌ ده‌مێک بوو نووقم بووبوو.



په‌له‌ مه‌که‌ دڵه‌که‌م ئه‌مجاره‌یان هاتووم تاوێک بمێنمه‌وه‌ له‌لات.



zal altijd van je houden

And if I told you that I loved you
You'd maybe think there's something wrong
I'm not a man of too many faces
The mask I wear is one
Those who speak know nothing
And find out to their cost
Like those who curse their luck in too many places
And those who fear are lost

I know that the spades are the swords of a soldier
I know that the clubs are weapons of war
I know that diamonds mean money for this art
But that's not the shape of my heart
That's not the shape of my heart

Download this song (sting)