نازانم چۆن ده‌ستپێبکه‌م و چۆن کۆتایی پێ بێنم ... ئه‌وه‌ نه‌بێت‌، دڵنیام ئه‌وه‌ی شکاندم سارێژ ناکرێت. ئه‌گه‌ر جارێکی تریش چاو به‌ چاو نه‌که‌وته‌وه ..... ئێستاش له‌ دوێنێ باشتر ده‌زانم خۆشمده‌وێی ... ماڵت ئاوا دڵه‌که‌م.

ده‌مێكه نه‌منووسیوه و ئاگاداری ئه‌م دونیایه نیم.
سه‌یره ... ئه‌مڕۆ یادی دووساڵه‌ی وێبڵاگی كوردییه‌و پێ ده‌نێینه ساڵی سێیه‌م ... خۆزگه منیش شتێكم ده‌بوو باسی بكه‌م ... سه‌یره‌و سه‌یریش نییه ... ژیان وایه، هه‌ندێكمان وازدێنین و هه‌ندێكمان ده‌ست پێده‌كه‌ین و گرنگ ئه‌وه‌یه مرۆڤ دڵی خۆش بێت، ئه‌گه‌ر دڵیشی خۆش نه‌بێت وه‌كوو من ئه‌وه هیچ شتێك فایده ناكات، هه‌موو شتێك تاڵه.
نامه‌وێت دڵی تۆی خوێنه‌ریش ته‌نگ بێت به‌ڵام ئیتر كه ژیان ده‌بێته ڕۆتین، بیتام ده‌بێت، بۆیه ده‌بێت به دوا شت و كه‌سی نوێ دا بگه‌ڕێیت، جا ئه‌گه‌ر واش بكه‌یت ئیتر ..... قه‌ت نایدۆزیته‌وه...