There is no why

نازانم، له‌وانه‌‌شه‌ بزانم، به‌ڵام ئه‌وه‌نده ماندووم، نه‌ده‌توانم باسی ئه‌و ڕۆژه بێڕه‌نگه بكه‌م و نه‌ بۆشم ره‌خساوه بیری لێبكه‌مه‌وه. خۆزگه ئه‌وه‌نده ترسنۆك نه‌ده‌بووین و ڕووبه‌ڕوو به‌یه‌كمان ده‌گووت ' بۆ؟ '.

كـــــات ...  نازانم مانای چییه؟‌ 

له‌وه ناخۆشترنییه له شوێنێك بیت و خۆشت نه‌زانیت بۆ له‌وێیت. دواجار له‌ شوێنێك بووم، نه‌مزانی بۆ له‌وێم. خۆ جاری پێشوو باشم ده‌زانی و كه‌سه‌كه‌شم ده‌ناسی، به‌ڵام دواجار هه‌ر خۆم بووم، به‌ته‌نیا كه‌سی ترم له‌گه‌ڵ ‌نه‌بوو.

نامه‌وێ بیری لێبكه‌مه‌وه، ده‌زانم ئه‌گه‌ر بیری لێبكه‌مه‌وه دووباره پرسیاره‌كان به‌رگی مردوو داده‌كه‌نن و لێم زیندووده‌بنه‌وه.

ناوێرم پرسیار له خۆشم بكه‌م.